पावसा रे पावसा
Parent Category: मराठी पुस्तके
Category: काव्यदीप पुस्तक - ८.निसर्ग
पावसा रे पावसा तू असा रे कसा
आमच्यावरती रुसलास जसा
जप तुझा करून कोरडा पडला घसा
लवकर ये जसा असशील तसा ---- १
वाट तुझी पाहून आमचे शिणले डोळे
तुझ्याविना चातकही इथे तळमळे
तुझ्यासाठी जीव आमचा तिळ तिळ उले
तुझ्याविना झालो आम्ही सारे खुळे ---- २
सार्यांेचे हाल काही पाहवेना
हाय हाय ऊन काही साहवेना
ढगातले पाणी खाली येईना
डोळयातले पाणी काही जाईना ---- ३
भेटीसाठी तुझ्या काही नाही घासाघीस
भेट तुझी होता ना वाटे बासबीस
भेटीसाठी तुझ्या होतो जीव कासावीस
भेट तुझी होता जणू फिरे मोरपीस ---- ४
Hits: 441
