भल्या पहाटे
Parent Category: मराठी पुस्तके
Category: काव्यदीप पुस्तक - ८.निसर्ग
भल्या पहाटे अंधारी
सूर्यदेवाच्या मंदिरी
शालू नेसून अंजिरी
उषा येई ---- १
भल्या पहाटे पहाटे
सूर्यदेवा पाहू वाटे
कोंबड्याच्या मुखावाटे
संतवाणी ---- २
भल्या पहाटे सकाळी
सूर्यदेवाच्या राऊळी
पक्षी गाताती भूपाळी
आनंदाने ---- ३
भल्या पहाटेच्या क्षणी
सूर्यदेवाच्या चरणी
वृक्षवेली आनंदोनी
लवताती ---- ४
भल्या पहाटे उठोनि
सूर्यदेवाला नमुनि
सर्वांसाठी चहापाणी
माय करी ---- ५
Hits: 468
