बाग
Parent Category: मराठी पुस्तके
Category: काव्यदीप पुस्तक - ८.निसर्ग
बागेतल्या फुलांची एकच गर्दी
फुलांनी भरुन गेली परडी ---- १
गुलाबाच्या फुलाचा तोराच भारी
तुळशीची मंजिरी जणू नाजुक नारी ---- २
मोग-यांच्या फुलाची ऐटच बाई
पण जुईच्या कळीची सर त्याला नाही ---- ३
हिरव्या चाफ्याचा नखराच मोठा
पिवळया चाफ्याला नाही काही तोटा ---- ४
जास्वंदी कर्दळी भाव खाऊन जाई
लाल-पिवळी गुलबाक्षी गोड हसून पाही ---- ५
पांढरी शुभ्र ब्रम्हकमळे क्वचितच येती
पारिजाताच्या फुलांना नाही काही गणती ---- ६
गेंदेवाल्या झेंडूचा दिमाखच भारी
ऐटदार शेवंतीची रीतच न्यारी ---- ७
तू-तू मैं-मैं नका करू मारामारी
सारीच आहेत देवाला प्यारी ---- ८
Hits: 418
