याद
Parent Category: मराठी पुस्तके
Category: काव्यदीप पुस्तक - ८.निसर्ग
स्वप्नी धुंद होताना
पहाटपक्षी गाताना ---- १
सनईचे सूर ऐकताना
गुलाबी थंडी लपेटताना ---- २
शुभ्र धुक्यात हरवताना
रिमझिम पावसात भिजताना ---- ३
मऊशार गवती चालताना
चांदण्याची फुले वेचताना ---- ४
झोपाळयावर झुलताना
मनातल्या मनात फुलताना ---- ५
देवाचे नाव घेताना
कामात गुंग असताना ---- ६
हमखास तुझी याद येते
अन् ओल्या आठवणीत विरून जाते ---- ७
Hits: 418
