कवितेला वास माझ्या
Parent Category: मराठी पुस्तके
Category: काव्यदीप पुस्तक - ६.काव्य
कवितेला वास माझ्या
येतो साधेपणाचा
कवितेचा बाज माझ्या
खेडवळी वळणाचा ---- १
कवितेचा रंग माझ्या
साध्या सदाफुलीचा
कवितेचा संग माझ्या
मायेच्या माऊलीचा ---- २
कवितेचा नूर माझ्या
शब्दांमधल्या टिंबांचा
कवितेचा सूर माझ्या
मनातल्या प्रतिबिंबांचा ---- ३
कवितेचा अर्थ माझ्या
शब्दांच्याही पलिकडचा
कवितेचा आवर्त माझ्या
परमेशाच्या प्राप्तीचा ----४
Hits: 421
