घरटे
Parent Category: मराठी पुस्तके
Category: सय कवितासंग्रह
घरटे बांधियले झुलते झाडावर ते
मऊसूत रेशमापरि ते . . . १
दो पिल्लांची किलबिल त्या सुखवीते
हासरे सदा ते घरटे . . . २
दाणापाणीही शोधुनि भरवी त्याते
हळुहळूच फुलवी त्याते . . . ३
दिन एक परि पंखात भरुनिया वारा
पिल्ले ती घेती भरारा . . . ४
गगनाचा त्या खुणवी गंधित वारा
पिल्ला ने दूर संचारा . . . ५
कधी अवचितसे येती जणू त्या धारा
तरू जाई फुलुनी सारा . . . ६
Hits: 295
