ओलावलेल्या पापण्या
Parent Category: मराठी पुस्तके
Category: सय कवितासंग्रह
मात-पित्यांचे प्रेमळ आशिश
आहेत तुमच्या पाठीशी
सदैव मिळोत तुम्हाला
ज्ञानाच्या ह्या अगाध राशी . . . १
आजवर जरी आई-बाबा
अधिक-उणे बोलले
तरी त्यामागे आहे त्यांचे
निर्व्याज प्रेम लपलेले . . . २
आहात तुम्ही नशीबवान
पण सदैव ठेवा एकच भान
वय आणि ज्ञान यांचा
राखा तुम्ही मानसन्मान . . . ३
इच्छा जेंव्हा होईल तुम्हा
मागे वळून पाहण्या
दिसतील दोन उंचावलेले हात
अन्‌ ओलावलेल्या पापण्या . . . ४
ईशचरणी टेकून माथा
एकच आहे प्रार्थना
सुखी ठेव प्रभो, आमच्या
गोजिरवाण्या पिलापाखरांना . . .५
Hits: 325
