स्वप्नात
Parent Category: मराठी पुस्तके
Category: काव्यदीप पुस्तक - ७.इतर
गुंतले हे मन माझे
तुझ्या केशपाशावरी
कसे आवरू हे मन
सल बोचते ही उरी ---- १
खोल जखम उरीची
कशी कुणाला गे सांगू ?
जखमेत जळून गे
मन लागते दुभंगू ---- २
केशपाशाने ग तुझ्या
ठेव बांधून मजला
ऊन उतरले अंगी
जीव होई सोनसळा ---- ३
मनमोराचा पिसारा
फुलेल का कधीतरी ?
निवेल हे मन माझे
तृप्त होईन अंतरी ---- ४
नाही सफल जाहले
नाते आपुले सत्यात
पण चुकवू नको गं
भेट आपुली स्वप्नात ---- ५
Hits: 415
