सुवर्णाक्षरे
Parent Category: मराठी पुस्तके
Category: काव्यदीप पुस्तक - ७.इतर
नारी किंवा नरही असो त्या
नियम एकचि अखिल जगी
रंक असो वा राव असो वा
अमर न कोणी सकल जगी ---- १
जाणीव ही ही ठेवावी रे
तुवा मानवा म्हणुनी मनी
वर्तन ऐसे ठेवावे की
सजगपणाने जपुनी जनी ---- २
धनुष्यातुनी सुटलेला तो
बाण परतुनी ये न कधी
वदनामधुनी नि:सरलेला
शब्द न परतुनी येई कधी ---- ३
रविशशीचे किरण न करती
रंकराव हा भेद कधी
सर्वांभूती तैसी तूही
ठेवी मानवा समबुध्दी ---- ४
अपुल्यासरशा सूज्ञ जनाप्रती
उपदेशा ना मी केले
ठाऊक आहे सकल जना तरी
सुवर्णाक्षरी गुंफियले ---- ५
Hits: 339
