गणपती उत्सव
Parent Category: मराठी पुस्तके
Category: काव्यदीप पुस्तक - ५.प्रासंगिक
आला बाई आला गणपती
उत्सव दारी आला
सडासारवण रांगोळीने
करूया स्वागताला ---- १ आला बाई आला --
केशर कुंकुम दुर्वा फुले
मोदक नैवेद्याला
लहानथोरही जमती सारे
येथे आरतीला ---- २ आला बाई आला --
बुद्धीशक्तीच्या देवा आपण
सारे भजुया चला
सुखशांती अन् समाधान हे
मागू केवळ त्याला ---- ३ आला बाई आला --
स्मरणी सदैव ठेवू सगळे
मंगलमूर्तीला
हेवेदावे पार पुसोनी
मैत्री करूया चला ---- ४ आला बाई आला --
पुढच्या वर्षी लवकर येण्या
विनवू नमुनी त्याला
सारे मिळूनी गणरायाला
निरोप देऊ चला ---- ५ आला बाई आला --
निरोप देता गजाननाला
पाणी ये नयनाला
मनात माझ्या भरूनी उरला
आनंदसोहळा, ऐसा आनंद सोहळा ---- ६ आला बाई आला --
Hits: 435
