गौराई
Parent Category: मराठी पुस्तके
Category: काव्यदीप पुस्तक - ५.प्रासंगिक
आली गौराई सजूनी आज माझ्या गं अंगणी
आनंदाचा बाई येई घरी मळाच फुलोनी ---- १
हळदीकुंकवाच्या पावलांनी घरासि तू येशी
साrर्या घरा तू गं देशी सोनपोवळयाच्या राशी ---- २
माय माऊलीच्या आगमने आनंद उसळे
घरदार बाई माझे कसे उजळूनी गेले ---- ३
गणरायाचे कौतुक तिच्या मनात साठले
तिच्यासाठी आज केले गोड घावन-घाटले ---- ४
दीन लेकरांची असशी तू बाई खरी आई
काय सांगावे ठाऊके तुज सारे सारे काही ---- ५
तुझ्याकडे माई माझे दुजे मागणे ना काही
शांती नांदावी जगती हीच आस असे बाई ---- ६
Hits: 408
