देव दिसला
Parent Category: मराठी पुस्तके
Category: काव्यदीप पुस्तक - ४.भक्ती
देव दिसला बाई देव दिसला
कृष्णरुपाने अवतरला ----ध्रु ----
धावे जनीच्या हाकेला
मदत करी तो दळायला
मीराबाईचा विषप्याला
पिऊनी झाला तो काळा ----१
भोळया तुक्याच्या नामाला
कधी न हरि तो विसरला
काढुनि वरती गाथेला
दर्शन दिधले जनतेला ----२
आवडी नाम्याच्या भक्तीला
नाम्यासाठी हरि भुकेजला
कावडी घेऊन पाण्याला
श्रीखंड्या तो कधी बनला ---- ३
सुदामदेवाच्या मैत्रीला
जागुन चाखी पोह्याला
दुर्जनास ना गवसला
विदुराघरी परि हरी रमला ---- ४
वदण्या गीता जनतेला
ज्ञान्याहृदयी तो वसला
धावुनी आला मदतीला
रेड्यामुखी वेद वदविला ---- ५
संकटी रक्षी जगताला
गोवर्धन हाती धरीला
वदनी विश्वरुपाला
दावी यशोदामातेला ---- ६
देव दिसला बाई देव दिसला
कृ ष्णरुपाने अवतरला ---- ध्रु ----
Hits: 453
