अपूर्व प्रेम
Parent Category: मराठी पुस्तके
Category: काव्यदीप पुस्तक - २.आप्त
दो हाताविण टाळी न वाजे
कधीही या जगती
एकचि नाणे दो बाजूंनी
दिसती पत्नी पती ----१
सागरातल्या शिंपेमध्ये
जैसे दो मोती
दो घटकांच्या भवर्णवामधि
तैसे पत्नी-पती ----२
सप्तपदीही करती दोघे
हाता घेऊन हाती
उभयजनांच्या आनंदाने
संसारा ये गती ----३
घासही राही अडून कंठी
एकदुजासाठी
एकदुजास्तव दोघा वाटे
माया करू किती ----४
गतकाळाते स्मरता स्मरता
आनंदे नांदती
वर्णन करण्या अपूर्व प्रेमा
शब्द न सापडती ----५
Hits: 376
