गुरुदक्षिणा
Parent Category: मराठी पुस्तके
Category: काव्यदीप पुस्तक - २.आप्त
मातापिता हे प्रत्येकाचे
पहिले वहिले गुरू हो
त्याजविणा मी दुजा कोणा
सांगा कैसे स्मरू हो ---- १
मायेचा हा मेरु आणि
कर्तव्याचा तरू हो
आयुष्याच्या वळणावरचा
दीपच जैसा तारू हो ---- २
गोमातेच्या जवळी जैसे
बागडते वासरू हो
गगनी जेवि भिरभिरणारे
इवलेसे पाखरू हो ---- ३
गुरुठायी मी सदैव तैसे
लहानगे लेकरू हो
आदर्शाची खाण जणू ही
दूर कैसी सारू हो ---- ४
प्रणतीविण त्या एकही माझा
दिवस होईना सुरू हो
दुजी काय मी देऊ दक्षिणा
कैसी त्या विस्मरू हो ---- ५
कूर्मापरि ती दृष्टी गुरुची
फुलवि मनाचा बहरू हो
आशीर्वच त्या मानुनि मग ही
लेखणी लागे झरू हो ---- ६
Hits: 299
