आनंदाचा मळा
Parent Category: मराठी पुस्तके
Category: काव्यदीप पुस्तक - २.आप्त
यशस्वितेचे रहस्य अपुल्या
कळले हो आज ऽ ऽ ऽ ऽ ऽ
पथप्रदर्शी ठरेल आम्हा
अपुला ग्रंथराज ---- १
अनुभवियेले प्रसंग असती
आपण जे नाना ऽ ऽ ऽ ऽ ऽ
गणती त्यांची करण्या अमुची
मतीही चालेना ---- २
कष्ट करोनी आनंदाचा
मळाच फुलवियला ऽ ऽ ऽ ऽ ऽ
सुगंध त्याचा सर्वदूरही
पसरूनिया गेला ---- ३
आपणासरसे मातपिता हे
कुणास ना मिळती ऽ ऽ ऽ ऽ ऽ
भागयवान ते आम्ही वाटे
खरेच या जगती ---- ४
ठाऊक नव्हते जे जे आम्हा
ग्रंथी या कळते ऽ ऽ ऽ ऽ ऽ
वाचुनी ते ते पाणी अमुच्या
डोळा ना खळते ---- ५
गतकालाते उकलूनी वाटे
दाखविले द्वार ऽ ऽ ऽ ऽ ऽ
स्वीकारावा त्रिवार अमुचा
तुम्ही नमस्कार ---- ६
Hits: 288
