आभाळपोकळी
Parent Category: मराठी पुस्तके
Category: काव्यदीप पुस्तक - २.आप्त
गोजिरवाणे रूप तुमचे
मनी भरूनी राही
तुमच्यासाठी सदा आमुचा
कंठ दाटुनी येई ---- १
बकुळफुलापरिस असती
आठवणी साrर्या\
मनात घर करून राहती
जशा सोनपर्या- ---- २
सगेसोयरे सतत सारे
असती भोवती
परि तुमच्या आठवणींना
नसे कधी क्षिती ---- ३
देवापुढती जशा तेवती
समईमधल्या ज्योती
तशा घालवू आम्ही सारे
दिवस आणि राती ---- ४
आभाळीच्या पोकळीची
जीवनी जाणीव होई
भरूनी तिजला काढायाला
जगती शब्दचि नाही ---- ५
Hits: 235
