खेळगडी
Parent Category: मराठी पुस्तके
Category: सय कवितासंग्रह
या रे सारे या रे
सारे तुम्ही या रे
बाळाशी अमुच्या
खेळायाला या रे . . . १
काऊ चिऊ या रे
मैना राघू या रे
खेळगडी बाळाचे
होऊनिया या रे . . . २
हम्मा तूही ये गं
गोड दूध दे गं
बाळाला अमुच्या
भरवाया ये गं . . . ३
माऊल्या तूही ये रे
भू भू तूही ये रे
सांडलेला खाऊ गोड
खाण्यासी या रे . . . ४
खाऊ खाता खाता
गाणे तुम्ही गा रे
ऎकताना गाणे अमुचा
बाळ झोपी जाई रे . . . ५
Hits: 471
