का करिसी चिंता
Parent Category: मराठी पुस्तके
Category: सय कवितासंग्रह
हरि असता मदतीस तुला तू
का करिसी चिंता सखया ऽ ऽ ऽ
हरि असता मदतीस तुला तू . . . ध्रु.
सान असो वा मोठे संकट
येता मुळी तू करी न झंझट
थोडी जरी तू करिसी खटपट
नंदाघरचा कृष्णचि नटखट
ये तुज ताराया ऽ ऽ, सखया ऽ ऽ ऽ . . . १
दुष्कर्माची धरी ना संगत
सर्वांवरी धरी प्रीती उत्कट
उगा करी ना पोकळ वटवट
तरीच होईल तव जीवनपट
आदर्शचि जगी या ऽ ऽ, सखया ऽ ऽ ऽ . . . २
कर्म आपुले अविरत करिता
भलेपणाने जगी वर्तता
ध्येयशिखर ते दिसू लागता
यशमाला करि घेऊनि त्राता
ये तुज भेटाया ऽ ऽ, सखया ऽ ऽ ऽ . . . ३
Hits: 325
