बंधुराज
Parent Category: मराठी पुस्तके
Category: सय कवितासंग्रह
बंधुराज हा लाभला भला
नशिब आपुले वाटते मला
कधि न भुलला आप्तजनाला
वर्तुनी स्वये मार्ग दाविला . . . १
असुनी वैद्यही गर्व ना मनी
सर तयाची कुणा न ये जनी
भव्यसा चिरा निखळला तरी
सान पणती मंद मंदिरी . . . २
वाकुडा न ये शब्द तो मुखी
स्वर ना मुळी चढ असे कधी
साही ना दुजा पाहुनी दुःखी
यत्न त्या करी करावया सुखी . . . ३
याद तयाची प्रत्यही मना
पुढील पिढीसी मार्गदर्शना
सुमन_अंजली त्या बंधुपदाला
देवो सन्मती ती देव सकला . . . ४
Hits: 452
