अरे मना
Parent Category: मराठी पुस्तके
Category: सय कवितासंग्रह
पवनापुढती धावत जासी
अरे मना, अतिवेगाने
पळभरी बैसुनि एके जागी
ऎकुनि घे तू हे म्हणणे - - - १
जगात आणिती मातपिता तुज
माया आणि ममतेने
आयुष्याच्या अंती सुद्धा
सांभाळी त्या प्रेमाने - - - २
वागू नको तू कधि कुणाशी
रागाने वा द्वेषाने
सकलांशी परि सुखे वागता
जिंकी जगा तू सहजपणे - - - ३
अर्ध्या हळकुंडाने सखया
बरे न ते पिवळे होणे
प्रेमचि करता सकल जनांवरी
काही न राही तुला उणे - - - ४
देवाजीने दिले तुला
अनंतहस्ते हे देणे
त्या आयुष्या करी माती वा
करी तयाचे तू सोने - - - ५
Hits: 316
