विठुवाचुन
Parent Category: मराठी पुस्तके
Category: सय कवितासंग्रह
विठु ये रे मनमंदिरी
आस नाही दुजी अंतरी
विठुवाचुन मुळी बहरेना
चंद्रभागाकाठ काठ काठ . . . १
दुथडी भरूनि वाहे नदी
दोहो तीरांच्या मी मधी
विठुवाचुन मला सुधरेना
पैलतीरवाट वाट वाट . . . २
आप्त असले कितीही जरी
अंती साथीस कुणी ना तरी
विठुवाचुन मला आवडेना
कुणाचीही साथ साथ साथ . . . ३
विठु भेटे मजला उरी
तृप्ती झाली आता खरी
विठुवाचुन कशी ती कळेना
वर्षे गेली साठ साठ साठ . . . ४
Hits: 281
