काळी घोंगडी
Parent Category: मराठी पुस्तके
Category: सय कवितासंग्रह
आकाशीचे ग्रहगोलचि ते खुणावती सारखे
परि तारकांची घरातल्या त्या सर न येऊ शके . . . १
भव्यदिव्य त्या राजगृहातिल वैभव वाटे मुके
झोपडीतले गूळपाणीही वाटे अति बोलके . . . २
ऎक सखये सोनेचांदी दागदागिने फुके
शरीरसंपदा, निर्मलसे मन हीच खरी गे सुखे . . . ३
अगणित असति देवदेवता सकलजना ठाऊके
परि विटेवरच्या विट्ठलाविण वाटे सारे फिके . . . ४
स्वर्गलोकीच्या सुखासनीही झोप न येई सुखे
मृत्युलोकीची काळी घोंगडी बोलावी कौतुके . ५
Hits: 324
