देहाची नाव
Parent Category: मराठी पुस्तके
Category: काव्यदीप पुस्तक परिचय
पुराणी नाव पुराणी नाव
देवा हिला तिराला लाव --- ध्रु.
अवेळी तिजला बुडवू नको रे
कार्य संपता उचल मुरारे
मम हाकेला धाव
देवा हिला तिराला लावा --- १
सुत स्नुषा हे संपत्तीचे
तनु थकल्यावर कुणी न कुणाचे
प्रेमाचा अभाव
देवा हिला तिराला लावा --- २
बुद्धिहीन मी असे बापुडी
तब नामाची कळली गोडी
चरणाशी दे ठाव
देवा हिला तिराला लाव --- ३
ध्यान तुझे मम हृदयी राहो
नाम मुखाने अखंड येवो
अमर करी तू नाव
अपुले अमर करी तू नाव
देवा हिला तिराला लाव --- ४
- यशोदाबाई शिंत्रे
सौ. शुभांगी रानडे यांच्या मातोश्री
