संदेश
Parent Category: मराठी पुस्तके
Category: काव्यदीप पुस्तक - ८.निसर्ग
साहवेना बाई मला
शिशिरातील पानगळ
पेलवेना डोईवरी
भलेथोरले आभाळ ---- १
ग्रीष्मातली हाय हाय
कशी काय सांगू माय
सांगून तुला कध्धी खरं
वाटायचं नाही बरं ---- २
शरदाच्या चांदण्याची
रीतच न्यारी
मनाच्या चोरकप्प्यात
अलगद उतरी ---- ३
वर्षाऋतूत बरसतात
सरीवर सरी
हात गुंफून हातात
कोसळती जरी ---- ४
दिवस कसा सरतो
कळत मला नाही
तुझ्या सयीशिवाय
घास उतरत नाही ---- ५
मेघराजा संदेशाला
नीट ठेव ध्यानात
दूर माझ्या माईच्या
जाऊन सांग कानात ---- ६
Hits: 438
