मनात
Parent Category: मराठी पुस्तके
Category: काव्यदीप पुस्तक - ७.इतर
मनात येई कधीमधी
काहीतरी लिहावे
मनातल्या विचारांना
फुलपाखरांचे पंख द्यावे ---- १
मनात येई कधीमधी
पक्ष्यांपरी उडावे
आभाळातील स्वच्छंदी
पाखरांशी हितगुज करावे ---- २
मनात येई कधीमधी
चातकापरी असावे
परमेश्वरी कृपादृष्टीच्या
एका थेंबाने तृप्त व्हावे ---- ३
मनात येई कधीतरी
माणसातील अंतर दूर व्हावे
माणसाने माणसाशी
माणसापरी वागावे ---- ४
मनात येई कधीतरी
निसर्गाच्या कुशीत शिरावे
अन् परमेशाच्या रूपात
विलीन होऊन जावे ---- ५
मनातल्या साrर्यात विचारांना
देण्या स्वरूप मूर्त
मला वाटते तूर्त
माणूस आहे असमर्थ ---- ६
Hits: 438
