शेतकरी
Parent Category: मराठी पुस्तके
Category: काव्यदीप पुस्तक - ७.इतर
आम्ही शेतकरी कामकरी
शेताची लेकरं, काळया आईची लेकरं
करनार काम, गाळनार घाम
समद्यांच्या फुडं जानारं, जगाच्या फुडं जानारं ---- १
ढवळया नि पवळया आमचे
शूर सरदारं, आमचे शूर सरदारं
त्यांच्या पायी आहे आमची
खरी मदारं, आमची खरी मदारं ---- २
शूर आमच्या सरदारांची
गानी गानारं, आम्ही पवाडे गानारं
करून काम सुखाचा मग
घास खानारं, आम्ही घास खानारं ---- ३
नांगराला धरता धरता
साळा शिकनारं, आम्ही साळा शिकनारं
शेतकीच्या पदवीबिगर
न्हाई र्हाीनारं, आम्ही न्हाई र्हा/नारं ---- ४
बक्कळ धान्य पिकवून आम्ही
समद्यांना देनारं,आम्ही समद्यांना देनारं
जनतेची आम्ही बी
सेवा करनारं, आम्ही सेवा करनारं ---- ५
Hits: 279
