शतकसम्राट
Parent Category: मराठी पुस्तके
Category: काव्यदीप पुस्तक - ७.इतर
अक्षरवाङ्मयदालन आम्हासाठी केले खुले
विखरुनी पडती सुविचारांची गोजिरवाणी फुले ---- १
सुंदर सोज्वळ उपमांना ना असे कधी खीळ
स्फूर्तीची मनि उसळे उर्मी नसे पोरखेळ ---- २
नाजुकहाती बकुळफुलांचा शोभे जणू हार
प्रसन्न चित्ती प्रवेश करता हासे जणू दार ---- ३
साहित्याच्या परिमलासवे डुले मोरपीस
जगी जन्मले अमर जाहले खांडेकर वि.स.---- ४
शतकाच्या ह्या सम्राटा, तू प्रणाम अमुचे घेई
शुभकार्या परि करण्या सकला स्फूर्ती तू देई ---- ५
Hits: 286
