भारतवासी
Parent Category: मराठी पुस्तके
Category: काव्यदीप पुस्तक - ७.इतर
भारतवासी नरनारी
कुणीही असो शेजारी
प्रेमाने आम्ही नांदू तरी
परी न खपवू शिरजोरी
भारतवासी नरनारी ---- १
पूर्व नि पश्चिम भेद नसे
उत्तर दक्षिण द्वैत नसे
भारतमाता एक असे
झुकवू मस्तक पदांवरी
भारतवासी नरनारी ---- २
नरनारी ना भेद इथे
धर्म-जात ना पंथ इथे
रक्षण अपुल्या भूमीचे
करण्या शक्ती लावू पुरी
भारतवासी नरनारी ---- ३
झाशीची ती राणी असे
शिवबा अमुच्या मनी वसे
टिळकांचा वरहस्त असे
याद तयांची ठेवू खरी
भारतवासी नरनारी ---- ४
कुठेही असो अतिरेकी
पर्वतावरी चढला की
सागरतळी तो दडला की
शोधुनि त्याला काढू तरी
भारतवासी नरनारी ---- ५
भारतवासी जन सारे
जिंकू आम्ही जग सारे
प्रेमाने ना युद्धाने
जगती शांती आणू खरी
भारतवासी नरनारी ---- ६
Hits: 280
