तीळगूळ
Parent Category: मराठी पुस्तके
Category: काव्यदीप पुस्तक - ५.प्रासंगिक
तीळ आणि गूळ यांचे
नाते अति जवळचे
कध्धी म्हणजे कध्धी सुध्दा
भांडण नाही दोघांचे ----१
तीळ आणि गूळ यांची
मैत्री असते घनिष्ठ
दोघांपैकी नाही कोणी
थोडा सुध्दा गर्विष्ठ ---- २
तीळ आणि गूळ यांची
दोस्ती असते अतूट
आयुष्यात एकदाही
होत नाही फाटाफूट ---- ३
तीळ आणि गूळ यांच्यात
नाही कध्धी तंटा
कारण दोघांचाही असतो
प्रेमदानाचा वायदा ---- ४
तीळ आणि गूळ आहेत
सख्खे शेजारी
दोघेही देतात
प्रेमाचीच सुपारी ---- ५
तीळ आणि गूळ यांच्यात
आहे थोडा वर्ण भेद
पण कध्धीही दोघांच्यात
होत नाही मतभेद ---- ६
तीळ आणि गूळ यांचे
कार्य फार मोलाचे
सूर्य आणि चंद्र यांच्या
कार्याच्याही तोलाचे ---- ७
Hits: 565
