मुरली
Parent Category: मराठी पुस्तके
Category: काव्यदीप पुस्तक - ४.भक्ती
कृष्णा वाजव रे मुरली
मुरलीने भूक नुरली ---- ।।ध्रु।।
गोपी निघाल्या लवकरी
जाण्या मथुरेच्या बाजारी
करण्या गोरस विक्री
कृष्णा वाजव रे मुरली ---- १
पेंद्याचंद्या रे बल्लारी
गाई घेऊनि जा नदीतीरी
परतुनि या लवकरी
कृष्णा वाजव रे मुरली ---- २
गोपी अणिती तक्रारी
काय कमी रे तुज घरी
न करी गोरस चोरी
कृ ष्णा वाजव रे मुरली ---- ३
उघडी वदना मुरारी
दूर सारी रे बासरी
नवनीत ना अंतरी
कृष्णा वाजव रे मुरली ---- ४
विश्वरूपाच्या दर्शनी
झाली यशोदा बावरी
हृदयी त्या कवटाळी
नक्को वाजवु रे मुरली ---- ५
Hits: 754
