माघारी
Parent Category: मराठी पुस्तके
Category: काव्यदीप पुस्तक - ४.भक्ती
आली आहे मोठी
आस घेऊनी मी उरी
नको धाडू रे माघारी, विठूराया ---- १
नाही रमत रे मन
आता या संसारी
नको धाडू रे माघारी, विठूराया ---- २
भातुकलीच्या खेळाची
हौस फिटली रे सारी
नको धाडू रे माघारी, विठूराया ---- ३
झाले करुन उपास
व्रतवैकल्येही सारी
नको धाडू रे माघारी, विठूराया ---- ४
दु:खाचे डोंगर हे
आले घेऊन डोईवरी
नको धाडू रे माघारी, विठूराया ---- ५
कर हलके हे दु:ख
नाही सोसवत भारी
नको धाडू रे माघारी, विठूराया ---- ६
Hits: 407
