उतराई
Parent Category: मराठी पुस्तके
Category: काव्यदीप पुस्तक - २.आप्त
तान्हुले हे रूप अपुले
पाहिले मी डोळा
मनी फुलुनि येई खरा
मायेचा फुलोरा ---- १
केस काळे कुरळे अन्
निळे निळे डोळे
पाहुनिया मन माझे
मोहुनिया गेले ---- २
लाल गोर्याु गालांवर
पडे गोड खळी
जणू हसुनि म्हणे मला
घेई गं जवळी ---- ३
प्रेमाचे हे रुप नवे
मनी भरुनि राही
याचसाठी जाहले मी
आज खरी आई ---- ४
झोपले हे बाळ गुणी
नका बोलू कोणी
मीठ मोहरी ही कुणी
टाका ओवाळोनी ---- ५
माया मज माऊलीची
कळे आज बाई
देवाजीची कशी मी
होऊ उतराई ---- ६
Hits: 457
