बाळरुप
Parent Category: मराठी पुस्तके
Category: काव्यदीप पुस्तक - २.आप्त
पैसा-अडका दागदागिने
काहीच नाही अपेक्षा
बाळरुपात देव पाहणे
हीच केवळ प्रतीक्षा ---- १
विसरती मग जगताला
लहानग्यांशी खेळताना
भूतकाळात हरवून जाती
डोळे हळूच टिपताना ---- २
दुधापेक्षा प्रेम असते
साईवरती खूप अनूप
लोण्यापेक्षा नाजुक असते
लोणकढे साजुक तूप ---- ३
नातवंडात इवल्या दिसे
आजी आजोबांना खूप
आपल्या सानुल्या बाळांचे
गोजिरवाणे बाळरूप ---- ४
Hits: 471
