दोन नाती
Parent Category: मराठी पुस्तके
Category: काव्यदीप पुस्तक - २.आप्त
दोन नात्यातील अंतरा पुसोनी
सून-सासू संबध येती जुळुनी ---- १
घरा येता ती लेक परगृहीची
सून होई लक्ष्मीच स्वगृहीची ---- २
मायलेकीपरि प्रेम दुजे नाही
जगी ऐसी ही रीत असे बाई ---- ३
सूनबाई त्वा लेक सासू आई
सुखे नांदावे जगी धन्य होई ---- ४
लेक समजावी आपुली सासूबाई
आई समजावी तूही सूनबाई ---- ५
एकमेकींच्या मताला `हो'' म्हणता
समज जपता होई न कधी गुंता ---- ६
`` होतीस ना कधीतरी तू सूनबाई
होशील ना कधीतरी तू सासूबाई `` ---- ७
जाणीव हीही हृदयी जपुनी धरावी
सुखदुःख एकमेका समजून घ्यावी ---- ८
Hits: 249
