तुळस
Parent Category: मराठी पुस्तके
Category: काव्यदीप पुस्तक - २.आप्त
घर तसं मोठ्ठं
भर वस्तीत छानसं
आल्या गेल्या पाहुण्यालाही
वाटे खूप रहावसं ---- १
एक नाही दोन नाही
खोल्या दहा बारा
प्रत्येक खोलीचाच
स्वागतशील उंबरा ---- २
भल्या पहाटे सकाळी
दारी सजते रांगोळी
स्वागताला तयार जणू
कुंकुमतिलक लेऊन भाळी ---- ३
देव-धर्म पूजा-अर्चा
सारे कसे शिस्तीने
सणवार होती अगदी
पूर्वीच्याच पध्दतीने ---- ४
कित्ती काम केले तरी
आठी नाही कपाळी
गालावरती सदैव फुलते
तीच ती गोड खळी ---- ५
केव्हाही जा तिथं तुम्ही
भर दुपारी उन्हात
स्वागत होईल नेहमीच तुमचं
हसू लेऊन गालात ---- ६
संसाराच्या हिंदोळयावर
झोके घेता घेता
गळयातल्या कोकिळेला
सवड नाही आता ---- ७
लहान थोर पै-पाहुणे
सार्यां नाच जपणारी
हसर्या अंगणी शोभून दिसते
तुळस जणू मंजिरी ---- ८
Hits: 258
