आळवणी
Parent Category: मराठी पुस्तके
Category: सांगावा कवितासंग्रह
आळवणी
संसाराच्या मोहातून सुटका व्हावी असे प्रत्येकाला वाटत असते. त्यासाठी एक अत्यंत सोपा व प्रभावी उपाय म्हणजे देवाच्या चरणी लीन होणे. देवाची मनापासून केलेली विनवणी या कवितेत दिसते.
धाव घेई देवराया अंत नको पाहू
तूच माझा विठूराया काय तुला देऊ . . .
आकाशीच्या देवा तुला ठाऊके हे सारे
दु:ख कैसे सांगू तुला जाणुनी तू घेरे . . .
आकाशीच्या देवा किती करू आळवणी
आळवणी करता मी दाटे डोळा पाणी . . .
जगी काही नाही खरे आहे सारी माया
गुंते जीव त्यात जैसा भ्रमर सरोजी या . . .
नाम तुझे घेता परि विरे मोहमाया
सोडता हे गोड पाशा येती तुझ्या पाया . . .
Hits: 405
