श्रीगणेशआरती
Parent Category: मराठी पुस्तके
Category: सांगावा कवितासंग्रह
श्रीगणेशआरती
श्रीगणेशाचे कानडी चालीवरचे स्तोत्र
अरे श्रीगणेशा, ही आरती तुजला
तुजवीण नाही ही, गति मानवाला . . . १
शमीपर्णे दूर्वा, फुले रक्तवर्णा
आवड तुझी साधी, हे शूर्पकर्णा . . .२
सकलाते मोहुनी, घे तव शुण्डा
लम्बोदरा हे, गजवक्रतुण्डा . . . ३
मानव नि प्राण्याचा, संगम सुरेख
तव सुस्वरूपी, दिसे त्याची मेख . . . ४
गौरीसमवेत, येसी तू देवा
उत्सव सदा वाटे, आम्ही करावा . . . ५
विघ्ने मनी नि, शरीरीचि सदया
तुझिया कृपेने, जाती ती विलया . . . ६
मनापासुनी तूज, येती जे शरण
गणाधीशा तुझे त्या, दिसती चरण . . . ७
एकवीस ही संख्या, तुला प्रिय भारी
आनंदकंदा, तुझी न्यारी स्वारी . . . ८
एकवीस मोदकांचा, नैवेद्य दावुनी
एकवीस दूर्वा, वाहू तव चरणी . . . ९
सोडुनी देता, सारे हेवेदावे
तरी चराचरी, तव रूप भावे . . .१०
सद्बुद्धि देई तू, मानवजातीला
पुन:पुन्हा वंदुनी, प्रार्थिते तुजला . . . ११
Hits: 331
