आवराआवरी
Parent Category: मराठी पुस्तके
Category: सांगावा कवितासंग्रह
माझे माझे म्हणती जरी
संगे कुणी ना येती तरी
देवाजीच्या जाती घरी
सोडूनी सारे माघारी ... १
परगावी जाता ती खरी
कितीतरी आवराआवरी
परलोकी जाता ती परि
सवड न राही क्षणभरी ... २
संसाराच्या वाटेवरी
असती किती ती दरीखोरी
मृगजळाच्या पाठी परि
लागूनी नाही बेजारी... ३
मायाजाळी माशापरि
गुंतू नको या संसारी
विचार थोडा करुनी तरी
परमेशाचे स्मरण करी ... ४
Hits: 472
