नवे घर
Parent Category: मराठी पुस्तके
Category: सय कवितासंग्रह
नव्या घरामधि सारे जाती
पूर्ण कराया सुखस्व्प्ने ती . . .
उंच उंच त्या इमारती किती
डोंगरमाथ्यावरी बांधिती
झोपडीत जरी कुणी राहती
आनंदाची परमावधि ती . . . १
कुणा बंगली कुणा चाळ ती
सुखात अपुल्या घरी नांदती
सकलांची परि एकचि धरती
देवो सकला सन्मती खरी ती . . . २
दारी जरी कधि येत अतिथी
प्रसन्नचित्ते दार उघडती
आनंदाने स्वागत करिती
समाधान ये त्यांच्या हाती . . . ३
हात आपुला धरता वरती
घरी येई ती सुखसमृद्धी
शुभाशीश तो देत अतिथी
तथास्तु म्हणते वास्तु गृहाप्रती . . . ४
Hits: 329
