समजावणी
Parent Category: मराठी पुस्तके
Category: सय कवितासंग्रह
समजावणी
कोवळ्याशा रविराजाचे दूतचि येता दारी
पाहुनिया आनंदे मग मनपक्षी घेई भरारी . . . १
सुख स्वर्गीचे रोज येई हे विनामूल्यसे दारी
कामे होती झराझरा अन् अंगी येई हुशारी . . . २
निसर्गराजा कथिते तुजला तुझी खरी आभारी
सुवर्णाचा वर्षावच तो रोज जणू या धरेवरी . . . ३
वृक्षराज हा पांघरतो जणू शाल ही हिरवी जरतारी
माता पृथ्वी रोजच लेई शालु हा भरजरी . . . ४
स्वागतास ते तुझिया होती सज्ज खरे नरनारी
निसर्गदान हे दोन्ही हाते भरण्या सारी तयारी . . . ५
व्यर्थ न दवडी जन्मासी या शुभकर्माते सख्या करी
समजावणी ही तुजला करिते अरे मना बा परोपरी . . . ६
Hits: 324
