तुळशीबाई
Parent Category: मराठी पुस्तके
Category: सय कवितासंग्रह
तुळशीबाई
तुळशीबाई तुळशीबाई
आपण दोघी मायलेकी
सुखदुःख माझिया मनी
सांगेन हळूच तुझिया कानी – - – १
रोज सकाळी पहाटवेळी
घालती पाणी तुझे चरणी
शिंपुनि दारी सडा अंगणी
रेखिती सुबक रेघ-रांगोळी – - – २
कृष्णदेवाची लाडकी म्हणुनी
वससि तयाचे सदा चरणी
विठूरायाचे गळाभरी
साजे तव हार मंजिरी – - – ३
सकलजनांच्या घरीदारी
तुझीच सखये दिसते स्वारी
पूजन करिती सार्यां नारी
वृंदावनी तुज सामोरी – - – ४
हळद-कुंकू नि फुले सोबती
नैवेद्याची अर्पुनि वाटी
संतति-सौख्या-आरोग्यासाठी
तुझिया चरणी दान मागती – - – ५
Hits: 353
