मनपाखरू
Parent Category: मराठी पुस्तके
Category: सय कवितासंग्रह
जा उडुनी जा लवकरी मनपाखरा
तव आवडीचा असे गाव हा सारा . . .
तुज खुणावतो दूर देशिचा तारा
जणू चांदण्या रात्री ध्रुवतारा . . .
अतिमोहक मायाजाली
रंगांची उधळण भवती
मति गुंगचि होऊनि जाई
परि भुलू नको पाहुनि मोरपिसारा
देवाचा होशिल प्यारा . . . १
जा उडुनी जा लवकरी मनपाखरा
तुज अडवीतो खट्याळ जरि हा वारा . . .
तुज ध्यास असे आस असे जाण्या पैलतीरा
या नगरीचा नुरला चारा . . .
मोहासि सारिता दूर
आनंदे भरूनि ऊर
कर्तव्या पाडिसी पार
तुज गवसेल अद्भुत स्वर्गनजारा
देवाचा होशिल प्यारा . . . २
Hits: 307
