१९. छंद नसे चांगला !
१९. छंद नसे चांगला !
(जाति : केशवकरणी)
(परिचय - ही लावणी एका तमासगीर फडास करून दिल्यापैकी आहे.)
(चाल - 'वृषपर्व्याशी युद्ध चालले")
स्त्री : मन्मन-मित्राच्या कासारा गणिकेचा हा तुला
गड्या रे छंद नसे चांगला
पति : अगे काय करू गे मन मोही सुंदरी
रत्री : जिवलगा असे परि रम्य मुखी ती दरी
भुलुन रहाल जरि अज शेजारीं
काळ-सिंह क्षोभला
घेईल प्राण दाबुनी गळा ? १
पति : प्रेमे घाली कंठीं हस्ता नखरे करते किती
स्त्री : नव्हे ती नडग' नखे मारिती
जर खिसा खुळखुळे म्हणेल तरि मग बसा
ना तरी ढुंकुनी पाहिल ना अवदसा
पति : मजविरहित ती, सुभगा ठेवित प्रेमभाव ना भला
स्त्री : नव्हे ती लक्ष्मीहुनि चंचला २
पति : मम पद घेअुनि हळूच चुरते मृदुहस्तें कोमला
कशी ती ठकविल सुंदरि मला
स्त्री : खायास मिळेल न कवडीही तुज जईं
पडशील सडुनियां, हंसेल जग हें तईं
पदमर्दन तें दूरचि राहो पैशास्तव प्रियकरा
ओढिल बाजारीं फरफरा!
- नाशिक, १९००
* नडग > अस्वल.
Hits: 539
