स्वागतकक्ष arrow मराठी साहित्य arrow कविता arrow सागरा प्राण तळमळला
सागरा प्राण तळमळला
लेख़क स्वातंत्र्यवीर विनायक दामोदर सावरकर   
Untitled Document

सागरा प्राण तळमळला

 

ने मजसी ने परत मातृभूमीला

सागरा प्राण तळमळला ॥धृ॥

भूमातेच्या चरणतला तुज धुतां ।

मी नित्य पाहिला होता ॥

मज वदलासी अन्य देशी चल जाउं ।

सृष्टिची विविधता पाहूं ॥

तइं जननीहृद् विरहशंकितही झाले ।

परि तुवां वचन तिज दिधले ॥

मार्गज्ञ स्वये मीच पृष्ठिं वाहीन ।

त्वरित या परत आणिन ॥

विश्वसलो या तव वचनीं । मी

जगदनुभवयोगें बनुनी ॥ मी

तव अधिक शक्त उद्धरणीं । मी

येइन त्वरे, कथुन सोडिले तिजला

सागरा प्राण तळमळला ॥ १ ॥

शुक पंजरि वा हरिण शिरावा पाशीं ।

ही फसगत झाली तैशी ॥

भूविरह कसा सतत साहुं यापुढती ।

दशदिशा तमोमय होती ॥

गुणसुमनें मी वेचियली या भावें ।

की तिने सुगंधा घ्यावें ॥

जरि उद्धरणी व्यय न तिच्या हो साचा ।

हा व्यर्थ भार विद्येचा ॥

ती आम्रवृक्षवत्सलता । रे

नवकुसुमयुता त्या सुलता । रे ॥

तो बाल गुलाबहि आतां ॥ रे

फुलबाग मला, हाय पारखा झाला ।

सागरा प्राण तळमळला ॥ २ ॥

--विनायक दामोदर सावरकर

 

  • Narrow screen resolution
  • Wide screen resolution
  • Auto width resolution
  • Increase font size
  • Decrease font size
  • Default font size
  • default color
  • blue color
  • green color