* गणपतीउत्सव *
लेख़क Administrator   

आला बाई आला गणपती
उत्सव दारी आला
सडासारवण रांगोळीने
करूया स्वागताला ---- १ आला बाई आला --

केशर कुंकुम दुर्वा फुले
मोदक नैवेद्याला
लहानथोरही जमती सारे
येथे आरतीला ---- २ आला बाई आला --

बुद्धीशक्तीच्या देवा आपण
सारे भजुया चला
सुखशांती अन् समाधान हे
मागू केवळ त्याला ---- ३ आला बाई आला --

स्मरणी सदैव ठेवू सगळे
मंगलमूर्तीला
हेवेदावे पार पुसोनी
मैत्री करूया चला ---- ४ आला बाई आला --

पुढच्या वर्षी लवकर येण्या
विनवू नमुनी त्याला
सारे मिळूनी गणरायाला
निरोप देऊ चला ---- ५ आला बाई आला --

निरोप देता गजाननाला
पाणी ये नयनाला
मनात माझ्या भरूनी उरला
आनंदसोहळा, ऐसा आनंद सोहळा ---- ६ आला बाई आला --



डाऊनलोड करा.
 

  • Narrow screen resolution
  • Wide screen resolution
  • Auto width resolution
  • Increase font size
  • Decrease font size
  • Default font size
  • default color
  • blue color
  • green color