स्वागतकक्ष arrow सय arrow बाळराजाचे दोस्त
बाळराजाचे दोस्त
लेख़क सौ. शुभांगी सु. रानडे   

आली बघ चिऊताई । अंगणात दारापुढे ।
बाळराज खेळताना । मोतियांचा सडा पडे ॥१॥

आली बघ खारूताई । तुरूतुरू ती पळत ।
बाळराजाच्या गालात । गोड खळी ती पडत ॥२॥

आली बघ मनीमाऊ । सदा म्हणे म्याऊ म्याऊ ।
बाळराजाचा गे खाऊ । चला थोडा तिला देऊ ॥३॥

आला बघ पोपटभाऊ । विठूनामाचा गजर ।
बाळराजाची नजर । खिळलेली त्याचेवर ॥४॥

आले बघ कुत्रोपंत । शेपटी ती हालवीत ।
बाळराजासी पाहात । प्रेमे उभे ते दारात ॥५॥

बाळराजाचे हे दोस्त । येती दाराखिडकीत ।
पाहता त्या दिनरात । बाळ खूष हो मनात ॥६॥



डाऊनलोड करा.
 

  • Narrow screen resolution
  • Wide screen resolution
  • Auto width resolution
  • Increase font size
  • Decrease font size
  • Default font size
  • default color
  • blue color
  • green color