पाठवणी पी.डी.एफ़ छापा ई-मेल
लेख़क Administrator   

(लग्नानंतर मुलीची सासरी पाठवणीकरताना साऱ्यांच्या जिवाची घालमेल होते. मग प्रत्यक्ष त्या मुलीच्या आईच्या मनाची काय अवस्था होत असेल ! असा हा पाठवणीचा प्रसंग कायमचा मनात कोरला जातो.)

लेक निघता सासरी
दाटे डोळा कैसे पाणी
पाठविते पांडुरंगा
पाठराखणी म्हणूनी
पाठराखणी म्हणूनी . . . १

दिसे रोज ती दारात
तुळस उभी गोजिरवाणी
तुळशीच्या रूपे भासे
लेक आलीसे अंगणी
लेक आलीसे अंगणी . . . २

देवरायाच्या कृपेने
सुखे वसे ती सदनी
मायमाऊलीच्या मना
येई भरते अजूनी
येई भरते अजूनी . . . ३

वेड्याबापुड्या मनास
कसे तरी सावरोनी
डोळे लावी वाटेकडे
लेकमाय मनामेनी
लेकमाय मनामेनी . . . ४

काळ जातसे सरूनी
डोळयाचे ना खळे पाणी
कैशा जाती आठवणी
ठेविल्या ज्या कोरूनी मनी
ठेविल्या ज्या कोरूनी मनी . . . ५

वर्षे बहुत जाहली
लेक सासरी जाऊनी
दिस असे तो स्मरणी
केली जेंव्हा पाठवणी
केली जेंव्हा पाठवणी . . . ६



डाऊनलोड करा.
 
< मागील   पुढील >

  • Narrow screen resolution
  • Wide screen resolution
  • Auto width resolution
  • Increase font size
  • Decrease font size
  • Default font size
  • default color
  • blue color
  • green color