मंगळागौर पी.डी.एफ़ छापा ई-मेल
लेख़क Administrator   

(मंगळागौर या सणाचे समग्र वर्णन)

सण सखे आज घरी मंगळागौरी
पूजा करू जमवूनि नगरीच्या नारी --- ।।ध्रु.।।

सणांचा हा राजा शोभे श्रावणमास
हिरवा शालु शोभतो सृष्टिमातेस
पर्णफुले वेलबुट्टी जणू जरतारी
पूजा करू जमवुनी नगरीच्या नारी ---१

चंदनाचा चौरंग नक्षी रुपेरी
केळीकर्दळीचे मखर शोभते वरी
आनंदाने विराजते गौरीची स्वारी
पूजा करू जमवुनी नगरीच्या नारी ---२

जाई-जुई कुंद-बकुळ फुले साजिरी
सुवासिक सुमने ही देत हजेरी
बेल-दूर्वा तुळस-शमी पत्री साजिरी
पूजा करू जमवुनी नगरीच्या नारी ---३

षोडशोपचारभरी पूजा करूनी
अंबेची आरती करू मनापासुनी
धूपदीप पुरणपोळी नैवेद्यावरी
पूजा करू जमवुनी नगरीच्या नारी ---४

खेळुनिया खेळ सरवू रात्र जागरी
उखाण्यांची बरसात होई अंबरी
आनंदाचे ऊन नव्या चेहऱ्यांवरी
पूजा करू जमवुनी नगरीच्या नारी ---५

अंबा नित वास करी भक्ताघरी
शाल सुखशांतीची घाल भूवरी
आशीषा या मागू चला मनमंदिरी
पूजा करू जमवुनी नगरीच्या नारी ---६



डाऊनलोड करा.
 
< मागील   पुढील >

  • Narrow screen resolution
  • Wide screen resolution
  • Auto width resolution
  • Increase font size
  • Decrease font size
  • Default font size
  • default color
  • blue color
  • green color