गारा आल्या पी.डी.एफ़ छापा ई-मेल
लेख़क सौ. शुभांगी सु. रानडे   

आला पाऊस गार वारा संगे घेऊनिया त्या गारा
टपटप टपटप कौलावरती लागे वाजू नगारा
हो लागे वाजू नगारा . . . ध्रु.

अवचित त्याच्या आगमने त्या धांदल गेली उडोनी
गारा आल्या आल्या, म्हणूनी जाती आनंदोनी
हो जाती आनंदोनी . . .
आला पाऊस गार वारा संगे घेउनिया त्या गारा . . . १

काळाचेही भान नुरोनी जाती वय विसरोनी
भिजता भिजता वेचिती सारे गारा दो हातांनी
हो गारा दो हातांनी . . .
आला पाऊस गार वारा संगे घेउनिया त्या गारा . . . २

हिमकन्या जणू येती नटुनी उतरूनी स्वर्गामधुनी
अप्सराच जणू आल्या म्हणूनी कुशीत धरी त्या धरणी
हो कुशीत धरी त्या धरणी . . .
आला पाऊस गार वारा संगे घेऊनिया त्या गारा . . . ३

घेऊनि वाटे संदेशाते येती देवाघरूनी
क्षणभंगुर हे जीवन तरी  द्या आयुष्या उधळोनी
द्या आयुष्या उधळोनी . . .
आला पाऊस गार वारा संगे घेउनिया त्या गारा . . . ४

आला पाऊस गार वारा संगे घेऊनिया त्या गारा
टपटप टपटप कौलावरती लागे वाजू नगारा
हो लागे वाजू नगारा . . . ध्रु.

 
< मागील   पुढील >

  • Narrow screen resolution
  • Wide screen resolution
  • Auto width resolution
  • Increase font size
  • Decrease font size
  • Default font size
  • default color
  • blue color
  • green color