गव्हाची खीर पी.डी.एफ़ छापा ई-मेल
लेख़क Administrator   
 
गव्हाची खीर

साहित्य :-
अर्धा किलो खपली गहू (शक्यतो खपली गहू घ्यावे, कारण इतर गहू चांगले मऊ शिजत नाहीत), पाऊण किलो चांगला गूळ, एक मोठा नारळ, अर्धी वाटी खसखस, १०-१२ वेलदोडे, एक वाटी तांदूळ, दूध.
कृती :
 खीर करावयाच्या आदल्या दिवशी गहू पाणी लावून चांगले सडावेत व कोंडा काढून टाकावा. सडून घेतलेला गहू व तांदूळ रात्री वेगवेगळे भिजत टाकावेत. दुसऱ्या दिवशी सकाळी पातेल्यास तेलाचा हात लावून गहू शिजत टाकावेत. गहू शिजण्यास बराच वेळ लागतो. गहू अर्धवट शिजून झाल्यावर त्यात भिजत घातलेले तांदूळ घालावेत व आणखी शिजवावे. गहू अगदी मऊ असे शिजल्यावर ते पळीने ठेचावेत. मग त्यात गूळ, नारळाचे खोवून घेतलेले खोबरे, वेलचीची पूड व भाजून घेतलेली व किंचित् कुटलेली खसखस घालावी व थोडा वेळ शिजवून खाली उतरवून ठेवावे. वाढावयाच्या वेळी थोडेसे दूध घालावे व खीर सारखी करून वाढावी.
 
< मागील   पुढील >

  • Narrow screen resolution
  • Wide screen resolution
  • Auto width resolution
  • Increase font size
  • Decrease font size
  • Default font size
  • default color
  • blue color
  • green color